You could put your verification ID in a comment Or, in its own meta tag Or, as one of your keywords

Category Archives: Language Preservation

Patnubay Advocacy Group Going Ten

Patnubay Advocacy Group Going Ten
First Posted in Facebook.com/PatnubayOnline

Kapayapaan!.. Papuri sa Nag-iisang Tagapaglikha, sa Kanya lang tayo nananalangin at humihingi ng awa.

Maligayang bagong taon sa lahat! Sana sa 2015 ay mas dadami pa ang mga servant at principle-centered leaders na ating mahahanap at makakasama saan mang panig ng mundo. Alam natin na marami pa sa paligid ang tumutulong ng walang hinininging kapalit na hindi pa natin nakilala. Alam natin na marami din sa paligid ang hindi ipinag-palit ang prinsipyo sa sariling mga interes.

Alam din natin na marami na rin ang sumusunod sa halimbawa na ating pinapakita.

Balang-araw ay magpang-abot din tayo lahat dahil iisa lang ang ating hangarin at adhikain.. iisa lang ang ating direksyon.

Hindi natin kailangan ng taga-hanga, taga-puri at kahit pasasalamat. Ang kailangan natin ay

Featured Balak: HANGOP SA BAG-ONG TUIG

HANGOP SA BAG-ONG TUIG

ang pagsugat padung sa bag-ong tuig,
makapatul-id ug may matulingig,

magumikan kini sa init nga hangop,
pag-ila sa kabililhon sa umaabot,

pinaabli ang mga kamot, andam modawat sa muabot, mga tinan-awan gipunting sa mga butang nga lingin,

Featured Balak: TIK, TAK, TIK, TAK…2015 NAGSINGABOT NA…

TIK, TAK, TIK, TAK…2015 NAGSINGABOT NA…

ang taknaan nagpangatagak,
may mga saad nga namulak,
may nabahaw ug napan-os,
mga pasalig nga napaltos,
luyahong minuto ug segundo,
miagunto, gikusokuso,
tuig 2014 nagkaawop na,
nagkalanay sa atong mga mata,
tuig sa nag-untol untol nga kabayo namilinbilin,
krisis sa nihit nga kapanibaan nagpabilin,
pag-ilaid sa mga damgong napulak gitagamtam,
nagpasad sa atong pagpadulong sa unahan..

Cebuano Short Story: DILI MAPUTOS ANG GASA NI KADYO SA PASKO

DILI MAPUTOS ANG GASA NI KADYO SA PASKO

Ang gasa, kini ang butang hinatag, kini magikan sa buhat nga paghatag, dako ang ngisi sa modawat ug gasa sama kadako sa nagpadungog-dungog basin pa diay, makadawat usab siya’g gasa. Ang gasa mahimo’ng usa ka pasidungog, pagpahalipay, pagpaila sa dakong kaibog. Walay makatupong sa kalalim sa bation, kon motunol na ang kamot sa naghatag, ug kini sugaton sa kamot nga modawat sa hinatag. Nagkadaiya ang gasa, adunay dagko, adunay gagmay nga gasa. May gasa nga dili maputos, dili makita apan makapalukmay, ilabi na ug pakapinan ug tam-is nga pahiyom ug pangyamyam.

“Kadyo pasko na, hain na man ang akong gasa? Gahayon ka man lang.” pulong ni Lagring.

Featured Balak: DISYEMBRE, TUGNAW and ALKANSIYA

DISYEMBRE

tugob sa dayandayan ug kamabulokon,
daw bangaw sa sayong kabuntagon,
maghudyakang mosugat sa kabugason,
panaygon ug daghan pang tulunggon,
magpasad daw mga uhong kon ulanon,
Disyembre, bulan nga pinakaalegre,
apan daghan pud ang mangamoti,
sa hinatagay ug dinawatay maapiki,
samtang ang mga modawat magngisi,
may manghatag nga magkisikisi,
kay panudlanan kuno alkansi,
Naagian ni Yolanda’ng daw tigre
hala, hudyaka ug pangaliya ibayaw ta
sa kalipay ug kasakit, mag-ambahan ta!!!

Featured Balak: GIL-AS, PANINGIL and HATAG

GIL-AS

pagbati nga magdala ug panggimok,
gikan sa kiting padulong sa ulohang buhok,
mga tinagoang mabisto sa kadaghanan,

mahimo kining talan-awon kon ikaw kugihan,
mahilig mosingo ug alimyon sa kabulakan,
dili mangila nga basin pa’g mapusposan

Cebuano Short Story: HUMOT NGA MANUHUTSUHOT

HUMOT NGA MANUHUTSUHOT

Kini ang butang nga masingohan, masimhotan, ug mopagaan sa imong ilong nga mahiligon manimhot sa lainlaing mga pahumot lakip na sa binuhat nga nagpahumot.

Kon ikaw makasimhot ug humot, molumpayat ang imong kaugatan, motuyhakaw imong kahiladman, moturok imong kahinam…

Mabalisa ka, gusto nimong ubanan ang hangin ug sination ang gipahumotan ug hangpon hangtod sa imong katagbawan, dili ka gayud mabangbang.

Pagbantay lang sa imong pagpanimhot ug humot, sa tuyo nga mohangop, mousisa sa nagpahumot, basin masugamak ka sa dakong kamot nga ikakumotkumot sa imong nawong nga mahiligon ug humot!!!!

Cebuano Short Story: ANG SORPRESA NI TIRSO

ANG SORPRESA NI TIRSO

Ang saad makapadasig ug makapaluag. Kini manghatag ug pasalig nga kuno dili molubad. Mga bituon sa langit ihalad aron ang saad mohayag. Adunay mosaad himoong posible ang imposible. Ang saad mopahimong sayon, sa lisod buhaton. May saad nga mamunga ug uhaa, bata diay ang resulta. Pagkadaghan gayud sa mga saad, sama kadaghana sa nanaad, ug sa mga binuhat nga andam modawat ug saad.

“Naunsa ba kining hitaboa Ason nga hangtud karon wala pa man gayud maugkat gikan sa kalapokan kining atong nataran ug tanang sioton nga atong agianan? Niadtong milabayng piniliay gisaaran ta nga taposon kuno ang problema natong tanan.” dala panghupaw nga pamulong ni Tirso.

Featured Balak: KADANGHAG

KADANGHAG

timaan sa kahuyang,
sa pagmatngon gibiyaan,

pakusganay, paugatay, pagahiay,
sa ulo kining tanan mangumbitay,

dili kini haom, kon kamabinantayon
ug kamaampingon sa alimpatakan atong ilhon,

kadanghag, binuhatang nagyabag,
siguradong muhatod kini kanimo sa lit-ag…

Featured Balak: PAKAMAO and KALIMTANON

PAKAMAO

binuhatang manukot ug pagtagad,
dili makamaong mobalibad,
bahala na ug tira pasagad,
magpakaaron-ingnon dili managad,
uban sa agtang pinahangad,
dili moangkong masipyat,
magpakamao sa binuhatang ahat…

Featured Balak: AGOSTO

AGOSTO

halad ang bulan Agosto sa pagpasuso,
paghatag kini’g bili sa pagpangga sa mga masuso,

pagpasuso, naila usab kini sa pulong pagpatutoy,
kon ilhon ang katulukibon sa buhat nga pagpatutoy,

sa tapoktapok usab tukion ang tukmang pagpatutoy,
lakip na sa mga buhat ug mga binuhat mga motutoy,

bantayanan kon pagpatutoy lang ang mahisgotan,
hinikalimtan ang pagbaguod sa dako’ng kaakohan

Featured Balak: TAGHAP

TAGHAP

dangpanan sa buhat nga walay kasiguroan,
may mabikwang, dili tataw ang matag tikang,

may mabuwasot gumikan sa taghap,
haguka ug lubog kanunay ang padulngan,

apan bisan pas kakulangan,
sa taghap daghan ang mamuhunan,

Cebuano Short Story: NALIBAT SI DODONG SIKYO SA BOMBA

NALIBAT SI DODONG SIKYO SA BOMBA 

Ang pulong bomba makapatay-og ug makapakurog, molanog ug magdahunog, kini ang bomba’ng gitanom, ug sa kaisog mohakgom. May bomba’ng makapahinuktok, makapatiurok, ikaw ilansang sa kahingangha, magsiga na lang ang imong mata.

Featured Balak: LANSYAW and MALDITO

LANSYAW

pagkaong makapaiknat sa kilay,
muaghat sa ugat nga gilaay,

mga gakos pahinggon sa tinandayay,
sa mga dodong ug mga inday,

magharong, sa init nga sabaw,
saw-an, higopon, ang espesong nag-alisngaw,

kompleto kini sa rekado,
tinaguang parte sa baka’ng gipinopino,

gitagod, gisabwan, gitemplahan, gikahinaman,
aron mapaniguro ang kalig-on sa mga lutahan,

Featured Balak: PANGATUNGDANAN

PANGATUNGDANAN

buhat nga maglukdo ug bug-at nga kaakuhan,
dili kayamayamaan, ug mas dili kakomedyahan,

kon ikaw limbongan, ikaw masawayan, kuyaw malud-an,
hasta imong ilong, kilay, nawong, tutokan ug sumsoman,

ikaw dili tuhoan, kadudahan, mahilayo ka sa kamatuoran
palas-onon ang baroganang gilikayan sa katawhan

pagpanghakot ug pangiha, dili maayong sumbanan,
mabuot nga katilingban ang mas nasayod sa tanan,

Featured Balak: BUTA and LUBOG NGA PANAN-AW

BUTA

ngitngit, mingaw ug haw-ang,
hubo sa talan-awon’g pinasagdan,
tingog ang gamitonon’g gabayan,
hiram ug simhot dali’ng madangpan,
kon hagit sa pag-ila, pag-ila ila ang hisgotan,

ang pulong buta, nahimong sanglitanan
may gugma’ng buta, mag-unggoy’ng buta
may magdala’g kabo, magpaila nga siya buta
ang pulong buta, ang pagpaila nga siya buta
mahimong puhunan sa mga nagpakabuta,

may mapandol ug matakilpo,
adunay mapakong ug masuko,
dagko’ng hitak sa kamapasagaron,
siya nahitumpawak, nagpa-ulipon,
kahibudnganan kay dili siya buta,