GUGMANG MAPASIGARBOHON

mao kini ang gugma.. nga,
dili moduko ug magpa-awot..
dili mobalibad sa mga tahas ug hagit..

apan, moyangoyango ug mosulod
nga walay kukahadlok sa pinakangiob,
lawom ug gininhawa nga sudlanan, walay pupamilok,

mosungasong sa kuweba sa kinabuhi….adlaw ug gabii, walay kukahadlok.
mopakita ug kadasig, mopadayag ug kagahi, moigdal ang ugat,

sa kainit..alang sa binuhat nga hinalaran ug saw-an ang
kamabulokon sa adlawng gikahimut-an..

Mga naandang buluhaton sa Valentines Day:

PARA SA MGA MINYO – magdagkot ug KANDILANG PUWA aron dili na mahigugma para sa ikaduha .

BAG-ONG TUIG

kini nagpasabot ug kabag-ohan,
mga binuhatang bati, likayan
ang mga hiwi, ug balikog tul-iron
lagsik, baskog ug igmat sa buluhaton,
adlaw ug gabii, ang lawas maalagaron,
human sa siyam ka bulan, bata hagwaon

ang mga nagpatulog-tulog, pukawon
gahi kaayong mokihol, bisa’g unsaon
nabuntagan, pahagokhagok aron ingnon,
apan sa kaulahian, masakpan lang gihapon
kay sumala pa, “walay aso’ng makumkom”
mao kini ang badlis, ang sugo sa panahon

lainlain ang mga pangandam sa tanan
daghan ang patuo-tuo’ng panghuptan
ang mga siaw dali’ng mohimo ug saaran,
“dili na kuno mousab, kausa na lang”
daghan ang saad, dili na masulod sa listahan
sa bag-ong tuig, limpyohon ta ang tanan.