Paano ang tamang computation sa End of Service Benefits (ESB) ng isang manggagawa sa Saudi Arabia?
Kung tutuusin, napakadaling unawain ang provision ng Saudi Labor law tungkol sa (ESB). Napakasimple lamang ang computation kaya hindi na tayo sumulat pa ng paliwanag tungkol dito noon. Pero nitong mga nakaraang araw ay may kumakalat na maling interpretasyon sa pag-calculate ng ESB na nailathala sa isang OFW website.
Kaya tayo ay naalarma dahil imbes na makatulong sa mga OFW, mas kalituhan ang itinuro ng computation ng ESB, dahil mali. Posible pang magkaroon ng basehan ang mga abusadong employer na bigyan ng maliit na halaga ng ESB ang worker kung sakaling mabasa nila (ng mga employer) ang maling computation na nalathala.