You could put your verification ID in a comment Or, in its own meta tag Or, as one of your keywords

Cebuano Short Story: NAGPANGITA SI KUSOY UG GUWAPA

NAGPANGITA SI KUSOY UG GUWAPA

Si Kusoy nakighinabi ni Maria Engkantada, nanghangyo.

“Unsay gikinahanglan nimo?” Pulong sa engkantada nga si Maria.

“Tagai kog mapa sa Amerika para ikakita nako ang babaye sa akong kinabuhi. Kanang tag-as ug silong bitaw, makaamang ug biyuti kon romansahon.” dala ngislit nga tubag ni Kusoy nga ngil-ad ug nawong.

“Dili mahimo hangtod sa Capitol lang ang gahom nako. Nganhi duol ning kahoyng Dakit nga putlunon sa DPWH Para palapdan ang karsada aron dili maglisod ang mga abogado ug katawhang mag-agian duol sa Kapitolyo” nangyamiid si Maria Engkantada wala makauyon sa gusto ni Kusoy.

“Pweh, wala kuy labot nila. Maniguro ko sa akong kaugalingon. Kay ngil-ad man kog nawong nga dili nimo madalag ritoki, hala hatagi kog matahom nga babaye. Gikan sa laing lugar. Bisan pag taga Bato, Carbon, Ermita, A. Lopez, ug uban pa. Para paliwatan, bahala nag kuwartahan basta guapa lang.”

“Apan dili lagi mahimo ang imong gusto. Ang akong gahom hangtod ra dinhi sa atoa.”

“Ah, kabati gud.” Gitutukan ni Kusoy ang engkantada.

“Hala, kon Mao kana. Ikaw na lang ang akong pakaslan apan kinahanglan nga magpakatawo ka.”

“Ay salamat Kusoy, nga nakit-an nimo akong katahom. Sige magpakatawo nako.” nalipay si Maria Engkantada.

“Apan yuna pa. Gusto kong hubuon pud nimo nang laksot nimong maskara ha. Tag-as kaayo kag buhok. Grano sa imong nawong libaongon. Talinis kaayo ug kalo unya magsigeg sakay ug silhig. Walay ligo. Kinahanglan kog guapa.”

“Ah, unswaa? Mao man intawon ning nawong namong mga engkantada oy. Guapa na man ko.”

“Dili ko.”

“Sus, kapilian nimong buktota kaaa…wala lang tika masuroy kagabii sakay sa silhig nangluod dayon ka?” (KATAPOSAN).

<em>Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.</em>