You could put your verification ID in a comment Or, in its own meta tag Or, as one of your keywords

Featured Balak PETSA TRESE, BIYERNES

Friday the 13thPETSA TRESE, BIYERNES

sumala pa’s basahon,
sa mga matuo-tuohon,

adlaw kini nga bantayanan,
trese timaan nga may mapasagdan,

may maningkamot nga suwertehon
may pipilang mahadlok dimalason,

mga sugarol, mga palahubog,
mga naglunang sa bisyo’ng makalupog

sa petsa trese, biyernes, panugkan
mokalma, mobahar, basin kuno’g maligsan,

may manganak ug trese kabuok,
bahala’g maglisod hasta’s pagpamilok,

biyernes, adlaw’s bagdoy bagdoy,
panapos sa semanang makakapoy,

suweldo mawaldas, mahurot
sa kidlapkidlap, madaginot

biyernes, petsa trese, mga ilong
mamurot, punay’g pamakak manghupong

kon masakpan sa buhat nga walay pulos,
biyernes, petsa trese ikaw makapanguros,

daghang bantayanan manukod ug katakos,
kini mga pagsulay’ng maghaguros..