NAKALINGKAWAS (Kalayaan para sa isang Surigawnon)

Share this:

NAKALINGKAWAS
Ni: Minda Teves

Nakalingkawas matud ako sa kalisod
Kalisod mag isip kon unhon pagtabang
Pagtabang sa kinahanglanon nan KATAWHAN

Katawhan na dili manginlabot sa Iban
Iban na tawo ak isab tagtabangan
Nakay an Iban pagkatapos tabangan
Dili na mahibayo molingi kon diin gikan

Nakalingkawas ako sa ak lugar na tag gikanan
Nokadto sa lajo na lugar
Kadugajan ak hindomduman, hain na an IBAN?

Marajaw na Nakalingkawas na ako sa kalisod
Kalisod makigbisog nan karajawan nan tanan
Tanan ak tagtabangan manhinaut isab
Sila Makalingkawas dinhi sa kalibutan
Amora an tanan wayay kapasingdan…..

Sugod kuman ako na timan-an
An Kalingkawasan dili buot pasabot
Na ako, ikaw, sila, dawaton lam an mga magpasipaya
Kalingkawasan sa tanan ngadto sa katarungan nan tibook kalibutan.

Share this: