Cebuano Short Story: NALUTSAN SI NOY HUNSOY

Share this:

Ang katigulangon bahandi sa pagkatawhanon, mapandol na lang dayon, mobukot ang pagkakalimtanon. Ang mga mata gilawa-lawaan, layo na kaayo ang tinan-awan.

“Noy, tigulang na gyud ka. Wala nay mahims? Dili na makabuga? ni Inday pa nga mahagiton.

“Hala, sulayi kon tinuod ba imong gisulti.” ni Noy Hunsoy nga niduko dayong singo sa naglabong nga butang, balhiboon kaayo.

“Uhmmm. Paputol nya sa imong buhok Day, wala ka man magsyampo. Pweh!” pwerting nakasimhot ni Noy Hunsoy.

“Naunsa ka Noy? Ang ulo sa akong iro nga si Blaki ang imong gihikap ug gisimhot. Dia ra ko diri sa imong luyo oi. Nakatakilid ko pagdayon nimong duko ganina.” ni Inday pa nga nagngisi.

“Unsaa?” nakalitan si Noy Hunsoy. Tinuod, dili na gyud siya makaklaro, apan ang kabatan-on ug kaabtik sa iyang hunahuna, nagpabilin pa.

Nalutsan si Noy Hunsoy sa iyang kapilyo. (KATAPOSAN).

Patnubay.org wishes to thank Atty James Lobedica for giving us the permission to publish this short story in our website. Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.

Share this: