Cebuano Humor: MOLALIN NGADTO SA AMERIKA SI ASYONG

Share this:

Si Asyong nag sikay-sikay ug pngandam nga mogikan paingon sa Amerika. Gikuha siya ni Judy, iyang anak nga nurse nga nagpuyo na karon didto.

Tungod kay daghan man siya’g binuhing hayop, iyang gipanghatag ang iyang mga kanding ug manok sa iyang mga silingan.

Tagaan niya ug kanding ang BANA NGA DILI DAUG sa asawa. Apan kon bana “ander de saya”, tagaan lang niya ug himunga-an nga nagputak-putak.

Sa unang balay nga iyang gi-adto, nakit-an niya ang asawa nga nanilhig sa tugkaran:

Asyong: Day, akong ipanghatag ang akong mga manok ug kanding kay moadto ko sa America. Unsay inyong gusto.
Karya: Noy Asyong, akong pangutan-on usa’ si Pensoy nga nagligad-ligad sa itaas.
Asyong: Ayaw nalang, day Karya, tagaan ko na lang kamo niining kanding.

Sa idaduhang balay, naabutan ni Asyong si Tomasa nga naglung-ag ug camote.

Asyong: Tomasa, akong ipanghatag ang akong mga manok ug kanding kay moadto ko sa Amerika, unsay inyong gusto?
Tomasa: Nag majong man si Caloy didto sa ka Dalmacio. Ako siyang pangutan-on.
Asyong: Dili ko maka paabut. Tagaan ko na lang kamo ug kanding.

Sa ikatulo nga balay, naabtan niya si Tirso nga naghigda sa lantay samtang ang iyang asawa’ng si Tecla na moopo’ ug camates.

Asyong: Kinsay MAG-BUOT DINHI kon unsay inyong gusto nga akong ihatag, manok ba o kanding, kay mo-ato na ako sa Amerika.
Tirso: ANG HARI DINHI AKO. KINSA PA ?
Asyong: Unsay inyong gusto nga akong ihatag, kanding ba o manok.
Tirso: Ang gusto nako kanding.
Asyong: Maayo, apan duha ang akong kanding. Buto’ ug baye. Unsa ma’y inyong gusto?
Tiro: Ang gusto ko unta buto’ apan MASUKO man na si Tecla kon ang akong
pangayuon dili baye’.

Share this: