You could put your verification ID in a comment Or, in its own meta tag Or, as one of your keywords

Cebuano Humor: SI BOSIO UG INSIK TIAGO

SI BOSIO UG INSIK TIAGO

Sa diha nga gustong mag relak si Bosio, iyang nahibaw-an nga nawala diay ang iyang usa ka caja nga Marlboro. Bag-o lang gyud niya’ng na human ang pag double wall sa balay ni Insik Tiago.

Daku ang iyang kasuko sa diha nga nakita niya nga ga burot ang bongbong sa comedor. “…’sus, anaa man na ang akong Marlboro sa ilawom… a.. bahala na, dili ko gyud na nako laksi-on ang plywood. . .. buang, no, dakung kaayo ‘nang trabajo”

Nawala ang butod sa bongbong pagkatapus niya martilyoha ug kaunom ka hapak.

Bosio: Nong Tiago, adto na ko kay nahuman na man ang trabajo….
Insik Tiago: ‘sus dong Bosio, tagaan ka nako ug extra nga usa ka libo. Ka fachada gyud sa imong double walling…. nindot gyud kaayo.

Insik Tiago: Ug sa dili pa ‘ko makalimot, ania diay ang imong Marlboro. Mao hinoon ni ang akong nakit-an samtang gilokop ko ang balay pagpangita sa akong bag-ong I-phone, kay nawala!!!!
Lisod na gyud ning gulang na ta….Mohatag ko ug cinco mil nga premyo sa bisan kinsang makita sa akong I-phone….

Cincuenta mil gud ang akong pagpalit adto….!!!