You could put your verification ID in a comment Or, in its own meta tag Or, as one of your keywords

Cebuano Humor: SI KIKOY UG ODENG

SI KIKOY UG ODENG

Si Kikoy gihubak. Gi-atiman siya sa iyang asawa nga si Odeng.

Pagkahuman niya’g higop sa linugao, mingtan-ao siya kang Oden ug mingbakho.

KIKOY: Nakita nako nga ming-unong ka gyud kanako sa tanan natong mga kalisud.
ODENG: Pahuway lang ‘Koy. Ayaw na ‘na ug hisguti kay maluya ka lang ug maayo.
KIKOY: Dili! Kinahanglan imo gyud nga mahibaw-an nga anaa ka sa akong kiliran sa tanang naghitabo kanato.
ODENG; Kalimti na ‘na Koy uy! Basta ania ako kanimo sa tanang panahon!
KIKOY: Sa diha nga nasakpan ko nga nag-smuggle ug pistola, naatul nga kuyog ka kanako.
ODENG: Sagdi lang Koy, uy. Maayo gani, kay ako man nga classmate ang nakadakup nato. Nakatabang.
KIKOY: Sa diha nga napusilan ‘ko sa police, sakay ka nako sa jeep!
ODENG: Na-unsa sab si Kikoy. Siempre, kinsa man diay ang motabang nimo. …..Makahilak man sab ta nimo, uy!
KIKOY: Sa diha, nga na-tetanus ang akong samad, ikaw nag galam kanako!
ODENG: Insakto na Koy… Ayaw na ug hunahuna-a… Asawa gud ko nimo!
KIKOY: Karon, nga ming grave ang akong sakit, anaa ka gihapon sa akong kiliran…..
ODENG: Ayaw na lagi na ug hisguti, Koy. AYAW KA BALAKA kay dili gyud ka nako biya-aan!
KIKOY: Kahibalo, ka?
ODENG: Unsa, mahal ko?
KIKOY: Nakahunahuna ko, tingalig ikaw ang NAGDALA UG DIMALAS ‘nako!