Cebuano Humor: SENIOR CITIZEN DRIVERS

Share this:

SENIOR CITIZEN DRIVERS

Si Marcos ug Carla nagpuyo sa Los Angeles ug nagbatun na ug 85 anyos. Kanunay’ng mag-away. Kon si Marcos mag manejo/drive sa auto, hilabtanon kaayo si Carla. Gusto siya’ng sundon ni Marcos ang iyang pagbuot unsaon pag drive.

Gitulod usab sila sa ilang mga anak sa LA nga mama-uli na lang ngadto sa Cebu City kay nabantayan nga malimtanon na sila. Sa Sugbu, nagpuyo na sila ug condo didto sa Lahug.

Usa aka adlaw, naatlan nga nagdrive si Marcos subay sa Colon St. ug si Carla naglingkud sa iyang tupad. Sa diha sila sa Jakosalem St., mingkalit lang ug labang si Marcos bisan ug pula o red ang traffic light. Si Carla nakabantay apan wala na lang siya maglangas arong walay away.

Pag-abut nila sa Junquera St., mi-patoratoy usab gihapon si Marcos bisan ug pula/red light ang traffic. Nabantayan usab gihapon ni Carla. Wala na lang siya mosiyaok o magbanha’ aron’g walay samok.

Minglabang pag-usab si Marcos sa Pelaez St. bisan tuod ug pula/red light……. Gikuyawan na gyud kaayo si Carla …. dili na siya amaka-aguanta kay hapit na siyang makuyapan sa gihimo ni Marcos….

CARLA: Peste kang yawaa kang tigulanga ka!!!! Patyon gyud ko nimo ug dili horas… Ka tulo ka nang ming labang ug red light….

MARCOS: Labi ka nang lecheha kang tigulanga ka, IKAW BITAW ANG AKONG GI-PA DRIVE ARONG WALAY SAMOK… KARON AKO PAY IMONG PASANGINLAN NGA MING LABANG KA UG RED LIGHT!!!!!!

Share this: