You could put your verification ID in a comment Or, in its own meta tag Or, as one of your keywords

Cebuano Short Story: NAUNHAN SI DODONG LAPOY

NAUNHAN SI DODONG LAPOY

Ang pulong bisita nagpasabot ug pagduaw, pagtambal sa kamingaw ug pag-amuma sa nagduhiraw. Ang binuhat nga gibisitahan daw gibayaw sa kapanganoran kon gugma maoy tumong ug katuyuan.

“Day, sayo kaayo ko’ng namisita, ikaw ang ipamahaw sa gugma ko’ng nagduhiraw.” ni Dodong Lapoy pa nga mahinangpon kaayo’ng namulong.

‘Dong Lapoy, sayod ko sa imong kasayo, apan nagkabaiwas gyud mo ni Tirso Kugihan nga kagabii pa’ng namisita, nagpakorte ra gud siya sa iyang bigote kon angayan na ba.” migilak ang mga mata ni Inday samtang nagpahibalo ni Dodong Lapoy.

“Unswaa? Unya angayan ba siya? Wala siya’y nahot samtang ako, ania nagdala pa ug prutas ug dinosena’ng rosas.” mikuba ang dughan ni Dodong Lapoy.

‘He,he, ambot lang Dong Lapoy, pero karon ko pa lamang nasayran, mamunga gayud diay ang kakugihan. Natugkad nako ang nagpahipi nga kamatuoran sa bigote ni Tirso Tambalan nga iyang sinaligan. Pinaagi sa pamisita’ng mabuntagan, iyang naablihan, ug akong natagamtaman, ang gugma’ng tinambalan.” mipiyong si Inday tataw kaayo’ng gibati pa niya ang pagpanggimok sa iyang kaunoran sa gugma’ng tinambalan nga gipasaw-an sa magdadayeg niyang si Tirso nga nagsul-ob ug bigote.

“Ngeek!” huyhoy ang abaga ni Dodong Lapoy. Nahisama na lang siya sa usa ka itoy, nagpakitoykitoy sa pangandoy’ng nasiyakoy (KATAPUSAN).

Patnubay.org wishes to thank Atty James Lobedica for giving us the permission to publish this short story in our website. Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.