You could put your verification ID in a comment Or, in its own meta tag Or, as one of your keywords

Featured Balak: Palusot and Panaway

PALUSOT

inabtik nga pagpangitag buslot,
sabakon sa hunahunang manguot,

dili kini magpapiog, dili motugot mahulog,
sa kutihang mata ug magdilaab nga pangutana,

dili gayud magpasugba, may magliraw ang mata,
may maghilakhilak apan sekreton’g mokatawa,

may magpalimotlimot, kay diay iyang mga kamot,
nasakpang nanghilabot, nagunitan sa mas dako’ng kamot,

daghan gayud ang magpalusot, katarungan ipanglukot
lamasan ug nawong pinakunot, tan-awon magkulismaot,

buhaton ang tanan, aron lang malutsan, malikayan,
palusot, dangpanan sa idlas nga binuhatan…

PANAWAY

buling, lapok ug lang-og,
ang hiwi, ang pagkahisukamod,

talan-awon kini sa pagpanaway,
sayon buhaton ang pagpanaway,

samtang magkapuliki ang gisaway,
mga baba dili mahutdan ug laway,

may saway’ng magdalag suhestiyon,
may manaway’ng kuykuyon ang kuoton,

may saway’ng sumpo sa mapahimuslanon,
pagpanaway makapawala sa kalaay,

magdala’g mansa sa panaghigalaay,
sinugdanan sa panaghiusang mikagay..