{"id":2703,"date":"2012-03-13T00:05:53","date_gmt":"2012-03-12T21:05:53","guid":{"rendered":"http:\/\/patnubay.org\/?p=2703"},"modified":"2021-10-23T21:03:53","modified_gmt":"2021-10-23T18:03:53","slug":"featured-poem-and-video-babad","status":"publish","type":"post","link":"https:\/\/patnubay.org\/?p=2703","title":{"rendered":"Featured Poem and Video: “Babad” by Francis Morilao"},"content":{"rendered":"
\"\"<\/a>

Francis Morilao – Qatar<\/p><\/div>\n

tulang ito’y aking ginawa
\n<\/em>alay sa bawat pamilya
\n<\/em>bagong taon, bagong pag-asa
\n<\/em>dalangin sa Diyos, na ating Ama<\/em><\/p>\n

Babad\u00a0<\/strong>ni Francis Morilao
\nwww.notesnikiko.com<\/a><\/p>\n

Nais kong magpakalunod sa Iyong presensya,
\nNais kong palakasin itong aking kaluluwa;
\nIpagsigawan ang aking nadarama,
\nAng pangungulila’t pagkabalisa.
\n
\nTanging sa Iyo lamang Panginoon,<\/strong>
\n Agam-agam ko ay may tugon;<\/strong>
\n Kalungkutang bumabalot sa akin ngayon,<\/strong>
\n Binigyan Mo ng ginhawa, pag-asang may pagkakataon.<\/strong><\/p>\n

Magbababad ako sa panalangin,
\nSapagkat alam kong Iyong diringgin;
\nMga papuri ko’t paglalambing,
\nKahilingan ko’y hindi bibiguin.<\/p>\n

Kalakasan sa aking maybahay,<\/strong>
\n Ibayong talino sa aking panganay;<\/strong>
\n Buhay namin’y sa Iyo inaalay,<\/strong>
\n Kalinga’t gabay ay patuloy Mong ibigay.<\/strong><\/p>\n

Sa Iyo Ama nagsusumamo,
\nPagbuklurin ang pamilya ko;
\nWala na sanang mga pagtatalo,
\nPagkakawatak-watak ay muling mabuo.<\/p>\n

Nawa’y manumbalik ang dating samahan,<\/strong>
\n Masayang kumakain sa hapag kainan;<\/strong>
\n Minsan pang muling balikan,<\/strong>
\n Ang dating malulutong na tawanan.<\/strong><\/p>\n

Sa iyong Salita ay magbababad,
\nSa Bibliyang walang katulad;
\nPatnubay sa amin’y dito nakalahad,
\nTamang landas sa aming paglakad.<\/p>\n

Sa kapangyarihan ng Iyong mga Salita,<\/strong>
\n Ako ay lubos na Sumasampalataya;<\/strong>
\n Kasalanan ko ay binigyan Mo ng laya,<\/strong>
\n Pagkatao ko’y binigyan Mo ng pag-asa.<\/strong><\/p>\n

Kaya naman magbababad sa piling Mo,
\nSa panahong nag-iisa ako;
\nPapuri’t pagsamba ay iaalay sa Iyo,
\nPanginoong Hesus, kaligtasan ng mundo.<\/p>\n

\u00a0Video<\/strong><\/p>\n