Si Simo namulong, \u201cInday, ika ra gayud ang gipitik ning akong kasingkasing.\u201d Masayran na ni Simo niining gabhiona ang tubag ni Inday sa iyang gugmang gihalad.<\/p>\n
\u201cIkaw gyud Simo, wala ka pul-i sa imong pagpaninguha ngari kanako. Dili na nako maihap ang nahilis nga tikod sa imong sapatos sa pagsige ug pamisita. Dili na pud maihap ang imong uban timaan sa imong pagka-edaran apan kusog gihapon mobaklay bisan may gilay-on ang imong gigikanan. Nadungog pud nako nga dili maihap ang imong gipa\u2026\u201d nasanta ang mga pulong ni Inday sa dihang gikuptan ni Simo ang lumoy\u2019g kamot sa dalaga. Gitapion ni Simo sa iyang dughan ang kamot ni Inday.<\/p>\n
May gidugayon ang pag-abot sa ilang mga tinan-awan. Si Simo ug Inday nahigot sa hugot nilang panag-atubang nga daw walay kinutuban. \u201cInday, ang imong nakita dili haom sa wala pa nimo mahibaloi bahin kanako. Sayran tika nga ikaw lamang gayud ang natingban sa tanan. Naglunang ako sa kahigwaos nga walay kabutangan. \u201d wala na buhii pa ni Simo ang kamot sa dalaga nga padayon niyang gigunitan ug gitapion sa iyang dughan. Buot niyang mabatyagan ni Inday ang pinitik sa iyang kasingkasing.<\/p>\n
\u201cTugoti Inday nga ako na lang ang motiwas ug litok sa imong naputol nga mga pulong ngari kanako. Mahimo ba?\u201d pulong ni Simo. \u201cPero Simo, mas maayo man gud unta to nga ako ang mosulti kay gikan man kini sa akong nakita ug nadungog bahin nimo.\u201d<\/p>\n
\u201cAyaw kabalaka Inday. Sa pagkatinuod ako ang nakapamabdos sa biyuda natong silingan nga milangyaw na sa laing nasod. Ako pud ang bohemyo sa tubaan ni Inko Teban nga walay giliatan, basta magsul-ob ug sayal ang mopalit ug tuba dili ko gayud kini pasayloon sa akong pangamoral. Nagbag-o nako karon human sa akong pagkaila nimo.\u201d mapasigarbohong mga pulong ni Simo.<\/p>\n
\u201cHe, he, siyaro ug dili madutlan. Walay babaye nga makabalibad nako sa akong kabeterano.\u201d hilom nga pulong ni Simo sa kaugalingon. \u201cApan Simo dili man kadto ang buot kong isulti bahin nimo kay wala man gyud ni nako masayri. Unsa gud diay ka. Abi ko man gud ug dili ka makabuak ug baso?\u201d dala kahimangod nga pamulong ni Inday ngadto ni Simo.<\/p>\n
\u201cAh, mao ba? Unsa man diay unta ang imong igsusulti bahin nako? ni Simo nga nasorpresa sa dili tukmang pagladlad sa iyang pahibalo ngadto sa dalagang hinalaran.<\/p>\n
\u201cAng ako untang isulti nga imong gisanta mao ang akong nahibaloan nga, dili maihap ang imong gipa\u2026.nuginlan sa imong kaibog nako.\u201d<\/p>\n
\u201cIkaw rang usa Simo ang tawo sa tanang nangulitawo nako nga wala nako mahibaloi nga dukirok ug babaye. Kon mao kana, susama diay mong tanan. Murag mga iring sungkaban. Hala karon dayon buhii na ang akong kamot nga imong gigunitan.\u201d ni Inday nga wala na motan-aw pa ni Simo. \u201cPasayloa ko Inday.\u201d Naglibog si Simo sa sunod niyang buhaton.<\/p>\n
Sa kalit lang nadungog nila ang tingog, \u201cMeow, meow, meow\u201d tingog sa iring nga mipatong sa lamesa sa kan-anan. \u201cHoy, Inday anak!, bugawa nang iring sungkaban. Delikado kaayo basin makatukob!!!.\u201d pulong pa ni Inse Karya nga migawas sa lawak katulganan. \u201cMeow, meow, meow.\u201d<\/p>\n
\u201cSige Simo ha kay ako pang bugawon ang iring sungkaban.\u201d dayong biya ni Inday.<\/p>\n
Nakapangutkot si Simo sa iyang ulo samtang nagsud-ong sa iring sungkaban nga gibugaw ni Inday. \u201cMeow, meow, meow.\u201d (KATAPOSAN).<\/p>\n
Patnubay.org wishes to thank Atty James Lobedica for giving us the permission to publish this short story in our website.\u00a0Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.<\/em><\/p>\n","protected":false},"excerpt":{"rendered":" Si Simo namulong, \u201cInday, ika ra gayud ang gipitik ning akong kasingkasing.\u201d Masayran na ni Simo niining gabhiona ang tubag ni Inday sa iyang gugmang gihalad. \u201cIkaw gyud Simo, wala ka pul-i sa imong pagpaninguha…<\/p>\n","protected":false},"author":52,"featured_media":1060,"comment_status":"open","ping_status":"closed","sticky":false,"template":"","format":"standard","meta":{"_links_to":"","_links_to_target":""},"categories":[50,40,20,68],"tags":[61,60],"_links":{"self":[{"href":"https:\/\/patnubay.org\/index.php?rest_route=\/wp\/v2\/posts\/5362"}],"collection":[{"href":"https:\/\/patnubay.org\/index.php?rest_route=\/wp\/v2\/posts"}],"about":[{"href":"https:\/\/patnubay.org\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/patnubay.org\/index.php?rest_route=\/wp\/v2\/users\/52"}],"replies":[{"embeddable":true,"href":"https:\/\/patnubay.org\/index.php?rest_route=%2Fwp%2Fv2%2Fcomments&post=5362"}],"version-history":[{"count":6,"href":"https:\/\/patnubay.org\/index.php?rest_route=\/wp\/v2\/posts\/5362\/revisions"}],"predecessor-version":[{"id":12261,"href":"https:\/\/patnubay.org\/index.php?rest_route=\/wp\/v2\/posts\/5362\/revisions\/12261"}],"wp:featuredmedia":[{"embeddable":true,"href":"https:\/\/patnubay.org\/index.php?rest_route=\/wp\/v2\/media\/1060"}],"wp:attachment":[{"href":"https:\/\/patnubay.org\/index.php?rest_route=%2Fwp%2Fv2%2Fmedia&parent=5362"}],"wp:term":[{"taxonomy":"category","embeddable":true,"href":"https:\/\/patnubay.org\/index.php?rest_route=%2Fwp%2Fv2%2Fcategories&post=5362"},{"taxonomy":"post_tag","embeddable":true,"href":"https:\/\/patnubay.org\/index.php?rest_route=%2Fwp%2Fv2%2Ftags&post=5362"}],"curies":[{"name":"wp","href":"https:\/\/api.w.org\/{rel}","templated":true}]}}