Ang pagpabuto, susama sa pagpahungaw, maoy paagi aron makapadungog kita, makapahibalo ug makahatag ug pahimatngon sa umaabot. Matag bag-ong tuig, matag usa madani gayud ang pagtagad sa kasaba gikan sa nagkadaiyang pabuto nga madungog. Apan lahi ang mahitabo kon ang imong pabuto, sama sa luthang karaan, dili na kini madungog, maayo na lang ibutang sa sab-itanan kay kagar na sa pagka-karaan.<\/p>\n
\u201cMag-unsa man ta karon sa bag-ong tuig Pangga Tuhoy? Kamingaw na gyud. Wala tay problema sa pagkaon, mainom ug uban pang mga palitonon. Apan, haw-ang man gihapon. Magsige na lang ta ug tinutukay?\u201d pinabundak ang mga pulong ni Lea.<\/p>\n
\u201cAyaw kabalaka Day Lea kay akong ipatagamtam kanimo unya ang akong gipangandaman.\u201d<\/p>\n
\u201cPero sige na man lang ko\u2019g kadungog anang saad nimo Pangga Tuhoy, unsa klaro na gyud na?\u201d<\/p>\n
\u201cSubra pas klaro, klareks gyud kaayo Day Lea. Pangandam lang gyud basin ug masobraan ka. Maputos kas pamaol.\u201d<\/p>\n
\u201cNgeek!\u201d ni Lea pa nga daw dili makatuo sa gisulti sa iyang kapikas.<\/p>\n
Bag-ong sulod sa salag sa kaminyoon si Lea ug Noy Tuhoy, wala pay usa ka bulan. Bisan tuod ug layo kaayo ang gintang sa ilang pangedaron, apan giluom ni Lea ang tanan kay gawas nga sapian si Noy Tuhoy, mikalma na man kuno kini sa pagkadukirok sa mga babaye. Ug nanaad kini ni Lea nga dili na gyud mousab.<\/p>\n
Daling miligid ang mga adlaw, nakasabot si Noy Tuhoy nga lain na kaayo ug tinan-awan si Lea kaniya. Niadtong miaging semana lang may mga plato\u2019ng nangabuak kay nihaplot kuno sa kamot ni Lea samtang iyang giayudahan ang katabang. Hasta iyang sinaligang kamisin para isuroy-suroy sa tubaan nasunog sa plantsa kay kuno nasubraan ni Lea ug utaw. Karong semanaha saba kaayo si Lea, kanunay\u2019ng init ang ulo. Kanunay\u2019ng managuto o dili ba manakla. Kanunay\u2019ng mag-alindasay. Unsaon gikan sa ilang pagpuyo si Noy Tuhoy wala pa man gayud niya mahimo ang iyang buluhaton sa kaminyoon ilabi na inig tikyop sa kagabhion.<\/p>\n
\u201cSus kanimo Day Lea, nangandam ko ug kusog alang sa gimbuhaton inig bagting sa taknaan isip pagsugat sa bag-ong tuig. Magpabuto tang duha.\u201d<\/p>\n
\u201cMao ba? Pundohan gyud diay ug kusog ang pagsugat sa bag-ong tuig? ni Lea nga namutang ug pahumot human makasul-ob sa iyang nayti.<\/p>\n
\u201cHala Rosa ayudahi si Noy Tuhoy nimo sa iyang pagabuhaton aron dili siya mahago tigulang na ra ba ni.\u201d sugo ni Lea sa ilang katabang.<\/p>\n
\u201cSige Mam ako ang mahibalo.\u201d tubag sa katabang.<\/p>\n
\u201cMakita ra nimo unya basin matingala ka. He,he,he,he.\u201d dala pangandak ni Noy Tuhoy nga nagngisi.<\/p>\n
\u201cIkaw gud basta ako maghulat ra gyud ko.\u201d dayong talikod ni Lea aron makapadayon pagpanghindik sa kaugalingon. Naghinamhinam siya sa pabuthon ni Noy Tuhoy.<\/p>\n
Wala madugay miabot na ang gikahinamang bag-ong tuig.<\/p>\n
\u201cPangga Tuhoy, asa ka na man? Naghulat na ko sa imong saad nga magpabuto ta.\u201d<\/p>\n
\u201cDay Lea, dia ko sa atong nataran.\u201d<\/p>\n
\u201cOy, naunsa ka gud? Kasingot gud nimo. Nagsige ka man ug ambak-ambak diha. Modagan-dagan pa gyud.\u201d<\/p>\n
\u201cDali na Day Lea. Mao na kini ang akong gipangandaman. Dali kuyogi ko ug dagan-dagan, liyok-liyok, ehersisyo ni. Mao ni ang pinakaimportante sa lawas pagsugat sa bag-ong tuig aron sa tibuok tuig lig-on tang duha, baskog ug makasugakod ta. Dali naa..\u201d<\/p>\n
\u201cHala sige gud. Nangita man gud ko sa imong gisulting pabuto. Kay bag-ong tuig na man.\u201d misunod si Lea sa hangyo ni Noy Tuhoy.<\/p>\n
Sama sa gipaabot ni Noy Tuhoy. Si Lea nananghid dayon nga mouna sa lawak. Gikapoy. Naluya. Ug nahinanok.<\/p>\n
\u201cDay Lea, nahuman nako.\u201d<\/p>\n
\u201cPangga Tuhoy, giduka na ko ganina. Mangatulog na lang ta.\u201d<\/p>\n
\u201cHala, sige gud. Matulog na lang pud ko.\u201d<\/p>\n
\u201cYuna pa ang imong gisulti nga atong pabuthon asa na man?\u201d<\/p>\n
\u201cMao man bitaw unta nay isulti nako nimo. Nisulay ko ug pabuto Day. Sus, pagkahiloma na gyud.\u201d<\/p>\n
\u201cPero, diin man ka nagpabuto?\u201d<\/p>\n
\u201cNagpatabang ko sa atong katabang, si Rosa. Pero bisag giunsa niya ug san-san, gipahugtan, gigamitan ug gamay\u2019ng tubig. Daghang paagi among gibuhat aron makabuto, pero wala na gyud.\u201d<\/p>\n
\u201cUnsa\u2019y wala na?\u201d<\/p>\n
\u201cWala na gyud, nikagar na gyud Day Lea. Pero ginansiya ta kay nakaehersisyo man pud ta ganina.\u201d<\/p>\n
\u201cUnsa man diay ang imong gipabuto?\u201d<\/p>\n
\u201cAy dah, kini gud akong luthang.\u201d dala pagawas ni Noy Tuhoy sa iyang luthang. Karaan na kini. Daw gikalimtan na sa panahon. Gaay na.<\/p>\n
\u201cSus, nagbinata man tawon ka oy, abi kog unsa na.\u201d ni Lea dayong balik ug higda. Kagar na gyud ang luthang ni Noy Tuhoy. (KATAPUSAN).<\/p>\n
Patnubay.org wishes to thank Atty James Lobedica for giving us the permission to publish this short story in our website. Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.<\/em><\/p>\n","protected":false},"excerpt":{"rendered":" Ang pagpabuto, susama sa pagpahungaw, maoy paagi aron makapadungog kita, makapahibalo ug makahatag ug pahimatngon sa umaabot. Matag bag-ong tuig, matag usa madani gayud ang pagtagad sa kasaba gikan sa nagkadaiyang pabuto nga madungog. Apan…<\/p>\n","protected":false},"author":52,"featured_media":1059,"comment_status":"open","ping_status":"closed","sticky":false,"template":"","format":"standard","meta":{"_links_to":"","_links_to_target":""},"categories":[50,40,20,68],"tags":[61,60],"_links":{"self":[{"href":"https:\/\/patnubay.org\/index.php?rest_route=\/wp\/v2\/posts\/7948"}],"collection":[{"href":"https:\/\/patnubay.org\/index.php?rest_route=\/wp\/v2\/posts"}],"about":[{"href":"https:\/\/patnubay.org\/index.php?rest_route=\/wp\/v2\/types\/post"}],"author":[{"embeddable":true,"href":"https:\/\/patnubay.org\/index.php?rest_route=\/wp\/v2\/users\/52"}],"replies":[{"embeddable":true,"href":"https:\/\/patnubay.org\/index.php?rest_route=%2Fwp%2Fv2%2Fcomments&post=7948"}],"version-history":[{"count":4,"href":"https:\/\/patnubay.org\/index.php?rest_route=\/wp\/v2\/posts\/7948\/revisions"}],"predecessor-version":[{"id":11806,"href":"https:\/\/patnubay.org\/index.php?rest_route=\/wp\/v2\/posts\/7948\/revisions\/11806"}],"wp:featuredmedia":[{"embeddable":true,"href":"https:\/\/patnubay.org\/index.php?rest_route=\/wp\/v2\/media\/1059"}],"wp:attachment":[{"href":"https:\/\/patnubay.org\/index.php?rest_route=%2Fwp%2Fv2%2Fmedia&parent=7948"}],"wp:term":[{"taxonomy":"category","embeddable":true,"href":"https:\/\/patnubay.org\/index.php?rest_route=%2Fwp%2Fv2%2Fcategories&post=7948"},{"taxonomy":"post_tag","embeddable":true,"href":"https:\/\/patnubay.org\/index.php?rest_route=%2Fwp%2Fv2%2Ftags&post=7948"}],"curies":[{"name":"wp","href":"https:\/\/api.w.org\/{rel}","templated":true}]}}