You could put your verification ID in a comment Or, in its own meta tag Or, as one of your keywords

Cebuano Short Story: HINGIGO PA GYUD DIAY SI TONYO

“Tonyo, kadugay gud. Ma-late na ko ug tambong sa trabaho ani ron. Mura man ug wala na. Sige na oi. Mangandam pa raba ko. Kakuyaw ba sab sa panuhot ani oi.” wala na kapugong pa si Telda.

“Huwata lang gud, Telda, nakaila ka na baya nako, siniguro ang matag lihok. Sigurista ko. Para walay sami. Dili ba mausik ang kusog. ” ni Tonyo nga padayong naningkamot. Gipaningot ug bugbog.

“Ah, daghan kaayo ka ug estorya. Estoryaheee na lang ko Tonyo.” naaburidong pulong ni Telda.

“Hapit na gyud ni Telda. Hapit naa.. ” ni Tonyo nga wala mahutdi ug paglaom.

Pagkataudtaud.

“Haay, salamat Telda. Napasulod na gyud. Sa kataposan. Salamaaat.” ni Tonyo nga daw nahuwasan.

“Tonyo, pagkahingigo pa gyud nimo. Sige ha ako nang tahion ang butones sa akong bestida. He, he, he. Napasulod ra gyud nimo ang hilo sa dagom.” pulong ni Telda nga mapahiyomon.

“Way sapayan Telda. Inig balik nya nimo ha. Naa pa koy laing dagom nga andamon espesyal para imoha.” nagngisi si Tonyo nga nagtan-aw sa iyang kapikas nga nagtahi.

Wala na mamulong pa si Telda, sayod siya sa gipasabot ni Tonyo. Malipayon kaayo siya nga naghunahuna sa pagkahingigo pa ni Tonyo bisan pa sa pagkahamtong na niini nga hapit na motungtong ug kan-oman ang pangedaron. (KATAPOSAN).


Patnubay.org wishes to thank Atty James Lobedica for giving us the permission to publish this short story in our website. Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.