You could put your verification ID in a comment Or, in its own meta tag Or, as one of your keywords

SINULOG, SINULOG…MALIPAYONG PAGSAULOG!!!

SINULOG, SINULOG…MALIPAYONG PAGSAULOG!!!

sa kinatibuk-an, sa tibuok kapupud-an,
miabot na ang adlawong gikahinaman,

sugaton ta sa kamainiton kahigalaan
nuntan ta ang matag undak sa kadalanan,

pit senyor, kalipay, kadasig saulogon ta
sadsad sa karsada, sinulog sayawon ta

sa nagligiting nga kainit, kita dili maluba
halad sa pinalanggang bata, Niño ipakita ta

Sinulog, isiyagit ug kusog, SiNULOG!!!
Sa dagkong tingog, ipasibantog, SINULOG!!!

KAPISTAHAN NI SENYOR SANTO NIÑO

Matag tuig, hugot ang pag-ambahan
Sa katawhan, sugat sa dako’ng kapistahan
Adunay magikan pa sa layong kapupud-an
Maghuot magkadusingot sa siot nga agianan
Dakong baha sa katawhan, mga bata ug tigulang
Ipaabot ang debosyon, pangaliya kanatong tanan

Senyor Santo Niño, patrong milagroso sa Sugbo
Tugoti kining putli nga pagsalig sa imong kamaayo
Nga makuyanap, modangilag ug kusganong pagtuo
Sa kanunay, kabaskog ug kapiskay kanamo ihatag mo
Among yukbo kanimo, Oh pinalangga namong Niño
Kalinaw, kalipay, kahiusahan, mohari dinhi sa Sugbo

Patnubay.org wishes to thank Atty James Lobedica for giving us the permission to publish this short story in our website. Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.