You could put your verification ID in a comment Or, in its own meta tag Or, as one of your keywords

Cebuano Short Story: NANGHUY-AB SI NOY SUTOY

NANGHUY-AB SI NOY SUTOY

Magnganga ang baba, uban sa mata’ng pinaduka. Mogawas kini sa kakapoy, sagad makita sa tawong lapoy,
Sa mga tudlo maghamoy, magyaka ug mangandoy.

Usa ka buntag niana sulod sa kan-anan.

“Kadugay baya nimo’ng naabot, ganina ra ko’ng nagpaabot.” nagbagolbol si Noy Sutoy samtang nagbasa sa gitunol nga listahan sa presyo sa sud-an sa kan-anan.

‘Noy, nakapili naka?” nangutana ang serbedora.

Naghiyong ang mata ni Noy Sutoy nga nagtutok sa gibasa, may gipangita apan daw wala gayud niya makita ang presyo’ng haum sa iyang bulsa. Pwerteng nakapanghuy-ab ni Noy Sutoy. Dagko kaayo ug nganga.

“Unsay imo Noy?”

“Ah, nawala na akong kagutom, mura man ko’g giduka. Molakaw na ko. Dugay man gud mo moduol.” pinadako ang tingog ni Noy Sutoy. Mibarog kay mulakaw na. Andam na’ng mosutoy.

“Noy, ikaw unta ang una namo’ng kustomer karong adlawa. Wala untay bayad kon mokaön ka. Sige Noy ha, kay ihatag na lang namo sa uban ang among pahalipay unta nimo.” matod pa sa serbedora dayong biya ni Noy Sutoy.

“Unswaa???” daw nabato si Noy Sutoy. Kaon na unta pero nawala pa. (KATAPUSAN)

Patnubay.org wishes to thank Atty James Lobedica for giving us the permission to publish this short story in our website. Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.