You could put your verification ID in a comment Or, in its own meta tag Or, as one of your keywords

Ang Mga Balak sa Gwapo

Image Source: clker.com

Ang Balak sa Gwapo (Part 1)

Abi ninyo sayon ra ang kinabuhing gwapo? Dili, dili, dili!

Kanang matakilpo ka kung maglakaw sa dalan kay sit-sitan ka ug bayot. ganahan mo ana?

kanang tawgon ka ug “yummmy” ug nagpanilap? unsa man ilang boot gipasabot niana, makaon diay ka?

ug kung dunay manguyab nimo human di nimo sugton, ikaw pa karon ang dautan ug batasan!

wala kay tarong nga tulog kay sigehan ra ka nila ug pantasya!

kanunay pa kang ikumpara ug artista nga daw wala ka nakahuman ug eskwela.. ganahan mo ana?

Ang pinakasakit kung makadungog pa ka sa mga matapobre nga libakera. ” oo Gwapo lagi na sya, unya naa diay nay kwarta?”

Maayo ra gyud nga di ko gwapo..

kay ang tinood nga gwapo di moangkon nga gwapo sya..

Ang Balak sa Gwapo (Part 2)

Palihug lang kung modayeg man gani kamo sa akong pagka-ambongan pakapini pod ug “purya buyag” aron di ta tugkan ug hubag-hubag.

Tabis kaayo mo makatutok sa hulagway, tilaan pa ang akong dagway apan kung kaatubang na, manaway, mura nag mopatay ang pagtamay.

Ang himantayon baya, kung moniwang ta, tawgon ta ug tiguwang, kung motambok pud  ta sawayon gihapon. Asa man gyud ta molugar ani intawon?

Hay ang kinabuhi sa gwapo. Dili gyud lalim . Dili, dili, dili.

Hangyo sa Gwapo

I-ampo lang ko ninyo, ayaw ko ninyo ampo-i kay dili ko Ginoo, gwapo ra ko, pwede dungagan ug “kaayo” basta duna lamang “purya buyag” kay lisod na ug tugkan ta ug hubag-hubag.

-tas