By: Tasio Espiritu
- Malaya ka bang magsabi ng buong katotohanan?
- Malaya ka bang tumulong na walang hininging kapalit?
- Malaya ka bang kumampi sa mga naapi at labanan ang masasama?
- Malaya ka bang magsalita na hindi nakakasakit ng kapwa lalo na sa mga mabubuting tao?
- Malaya ka ba sa pagtanggap ng sariling pagkakamali at maliit na pagkakamali ng iba?
- Malaya ka ba sa iyong pananampalataya habang nirespeto ang pananamapaltaya ng iba?
- Malaya ka bang iangat ang sarili mula sa kahirapan na hindi ka gagawa ng masama sa kapwa?
- Malaya ka bang hindi maingit sa kapwa kung ano ang meron man sya at malaya ka bang hindi mang-inggit sa taong alam mong walang wala?
- Malaya ka bang matuto ng mga salitang sariling atin, Cebuano, Waray, Ilonggo, Bicolano, atbp. na walang halong deskriminasyon?
- Malaya ka bang maglakad sa daan na walang takot sa mga masasama?
- Malaya ka bang pigilan ang pagiging kulang sa pansin at ugaling gustong makadikit sa taong mayaman, may kapangyarihan at kilala?
- Malaya ka bang mamumuhay mag-isa.. at malaya ka rin bang makikipaghalubilo ng kapwa?
- Malaya ka bang gawin at isipin ang gusto mo; at malaya ka bang pigilan ang gusto kung hindi naman ito tama?
- Malaya ka bang ipamahagi ang kalayaan na yan sa kapwa na gustong maging malaya?
- Malaya ka bang pagbigyan ng kalayaan ang kapwa na sila ang pipili kung gusto ba nilang maging malaya or hindi?
- Malaya ka bang Ipairal ang konsensya at hindi ang pagkakamakaAKO?
- Malaya ka bang ipamana sa iyong mga anak at apo ang nakamit mo ngayon na kalayaan?