Cebuano Short Story: NAOPAWAN ANG OPAW NI LADIN

Share this:

Ang pulong opaw magpasabot ug kahapsay, hawan ug walay sagabal nga talan-awon. Kon tutokan ug padul-an ang opaw, imong maklaro ang pahak nga sinaw. Adunay adunay tinuyong pagpaopaw’ng tinagoan. Kini kanunay’ng gikagubtan, dili kasarangan, kini giawayan sa kaliwatan. Bantayanan kining klaseha sa pagpaopaw, pagahikit-an lamang kini kon ikaw, gitugotan….

“Noy Ladin, nagpaopaw man ka. Hala pagkasinaw raba sa imong pahak nga mahayagan sa adlaw.” ni Inday nga nagngisi.

“Ah, mas maayo ning opaw Day kay hayahay. Ikaw diay Day, type ba nimo ang opaw?” pangomedyang pangutana ni Noy Ladin.

“Si Noy Ladin baya. Nagpaopaw pud ko oi. Bisag tan-awon pa.” ni Inday nga nalingawng nagtan-aw ni Noy Ladin, nga walay pupamilok ug nagpanglad-ok sa laway human makadungog sa iyang gisulti.

“Apan, wala man koy makita nga opaw nimo Day?” Unsa man ang imong gipaopawan?” nikuba ang dughan ni Noy Ladin.

Si Inday daw sa gigil-asan.

Sa kalit lang, mibuak sa kahilom ang sitsit ug tingog nga nagikan sa unahan.

“Pssst.. Day, Uli na, naabot nako. Akong susihon ang imong gipaopawan. Ang akong gikahinaman, ang sabakan sa tul-id nakong sinaligan. Nangandam nako akong siguroon kon maayo ba ang pagkahawan. Dali na..”

“Hala, naabot na diay akong bana, si Otik Pikat. Sige Noy Ladin ha. Mouli nako.” kusog kaayong nakaikid-ikid ug lakaw palayo si Inday.

Nahabilin si Noy Ladin sa gibarogan. Padayong nagbarog, naghunahuna sa opaw nga wala niya makita. Nakabuhi siya ug tingsi. Nakasabot na siya. (KATAPOSAN).


Patnubay.org wishes to thank Atty James Lobedica for giving us the permission to publish this short story in our website. Atty James Lobedica is a lawyer based in Cebu City. He advocates perservation of Cebuano language and culture. He finished his Bachelor of Laws at the University of San Carlos – Cebu in 1992.

Share this: