MAGUL-ANONG VIUDA

Pari: ‘day, unsay imong naiingnan nga nagbakho ‘ka man?
Teria: ‘Dre, si Teria ni, ang asawa ni Tanciong.
Pari: Unsay imong gihilakan?
Teria: ‘Dre, wala na si Tanciong…. namatay gabii..wahahawahawahaha
Pari: Diin, siya mamatay?
Teria: Sa balay, oi, Padre, wala didto sa balay sa iyang ‘baye!
Pari: Maayo, nakahibalo ra gyud ang buang kon kinsa’y iyang asawa.
Teria: wahawhahwahahwahaha
Pari: Maayo kay nagkauli kamo. Lain ‘sa’y ato, …..Unsa man ang iyang katapusang pulong kanimo usa siya mamatay?
Teria: MAHIMO BA TERIA NGA DILI NIMO ETI-ON KANANG PISTOLA SA AKONG ULO!!

NASUKO SI MISIS

Si Carpo ug ang iyang asawa’ng si Tilde naka-duaw sa Jordan kay gipa visita sa iyang igsuon nga nagtrabajo didto.  Samtang nanuroy sila sa desierto, gipahunong sila sa ilang paglakaw sa usa ka Arab nga daku kaayo, pangag, ug bulingot.

ARAB: SIR, AKONG BAYLO-AN ANG IMONG MISIS UG usa KA GATOS (100)KA KAMEL.
( paglabay sa mga tulo ka minutos)
CARPO: DILI KO MOSUGOT!

Bali gyud nga SUKO-A ni Tilde kay wala dayon makatubag si Carpo.

TILDE: HOY, HOY, NGANONG WALA DAYUN NIMO TUBAGA ANG ARAB NGA, “DILI MAHIMO”

CARPO: AKO MAN GUD NGA GIHUNAHUNA KON UNSAON NAKO PAGDALA ANG USA (100) KA GATUS KA KAMEL PAINGON SA CEBU!