You could put your verification ID in a comment Or, in its own meta tag Or, as one of your keywords

Tag Archives: Jovelyn Bayubay Revilla

HAGIT Tula: Ang Bag Ni Inday

juvelynAng Bag Ni Inday
Ni Jovelyn Bayubay Revilla

Namulat kami sa kahirapan
Buhay na minsan pag-asa ay sinukuan
Mga katanungan na minsan sagot ay hirap matugunan
Kailan ba aasenso ang tulad namin nangangarap ng kaginhawaan?

Sa eroplanong aming sinakyan
Sa alapaap na sarap hawakan
Luhang pumatak sa huling sandaling pamilyang sinulyapan sa paliparan
Tibay ng dibdib ito ang katurapan
Bansang aming pupuntahan isang sugal
na walang kasiguraduhan
50-50 ang laban
Salitang bahala ito’y para sa kinabukasan

Sigaw…Sigaw..Sigaw musika sa aming tainga
Pagod…Gutom..Puyat sahod ay di kasya
Diskarte kaya basura ay kakampi sa mga gamit na tinatapon nila

Featured Tula: Ang Tula Ni Kabayan

Ang Tula Ni Kabayan
ni Jovelyn Bayubay Revilla

Sa payak na pamumuhay sa bayan
Pagsasaka, pangingisda, pamamasada
Pagtitinda, pananahi, at paglalabada
Tahanan puno ng tawanan
Butil ng luha ni Bunso’y inagawan ng laruan
Pag-aaral ng aking mga anak dapat matustusan
Sa bawat hakbang paa ko’y naputikan
Tinik sa dibdib nakabaon sa kaibuturan
Paalam pamilya, paalam inang bayan

Sa mabuhanging bansa
Abot tanaw ang kalbong disyerto
Kuyom na kamao dito ako magbabanat buto
Bagong pag-asa ito ang kabanata ng buhay na malayo
Talinong taglay dayuhayang bansa ang makinabang ng aking serbisyo
Kapilit ng riyal,dinar,dirham at dolyar pamilya para sa inyo ito
Sumang-ayon ang kapalaran sa pangarap ko

Featured Story: Kuwento Ng Isang Inday

Kuwento Ng Isang Inday
by Jovelyn Bayubay Revilla

Minsan akong napatingin sa paglubog ng araw sa gitna ng sakahan. Habang ang mga ibon ay nagsiliparan na makahanap ng punong kahoy na madapuan. Ingay ng mga palaka, ang nagsilbing musika sa aking tainga, habang nagmuni-muni sa isang pangarap. Pangrap na sana balang araw, makaahon din kami sa kahirapan. Sa bawat hapyod ko sa sakit ng aking likod at kamay na naninigas ang putik sa balat. Damit na basahan; punit at may butas, araw-araw ito ang sout kong uniform, sa kada lublub ko sa putikan sa palayan. Minsan akong mapatingala sa kalangitan, sabay pahid sa nag-uunahang pawis sa mukha. At ang linyang namutawi sa aking labi at isipan:

“Balang araw matutupad din ang pangarap ko!”

Featured Book: “SINDI NG LAMPARA” (OFW Stories)

Ang ating buhay ay puno ng surpresa. May mga talento tayong natutuklasan sa ating sarili at may mga tao tayong nakikilalang magiging daan upang mapaunlad natin ang regalong ibinigay sa atin.

Dalawang OFW ang pinagtagpo dahil sa kanilang angking talino sa pagsusulat. Nagkakakilala lamang sa facebook sa pamamagitan ng blogs at sabay na nagkaroon kanilang libro na nai-publish ng isang Filipino-American sa US na si Tatay Jobo Elizes.

Featured Tula: Construction Worker

Construction Worker
by Jovelyn Bayubay Revilla

Dito sa mainit na disyerto
Bitbit namin ay bigating kargamento
Akyat baba sa mga establisento
Sukat doon, dagdag dito
Kapalit ng libong sweldo
Sa pamilyang mahal ko

Buhay namin ay walang pinag-iba
Sa mga inday na kadama
Parehong nangungulila
Sa bayang maralita
Buhay natin ay nagdusa
Kayo man ay bilanggo at nag-iisa
Kami naman ay malaya pero ubos ang pera
Sa padala at lakwatsa
Para maibsan ang kalungkutang nadarama